स्पेनको फाइनलमा प्रवेश : फ्रान्स २-० गोलले पराजित

आर्लिङ्टन, टेक्सास — फिफा विश्वकप २०२६ को पहिलो सेमिफाइनलमा स्पेनले फ्रान्सलाई २-० गोलले पराजित गर्दै फाइनलमा प्रवेश गरेको छ। एटी एन्ड टी स्टेडियममा भएको यस खेलमा स्पेनले सुरुदेखि नै दबदबा कायम राख्यो।

पहिलो हाफको २२ औं मिनेटमा मिकेल ओयारजाबालले पेनाल्टी किकबाट स्पेनको पहिलो गोल गरे। लामिने यामलमाथि पेनाल्टी क्षेत्रभित्र फाउल भएपछि रेफ्रीले पेनाल्टी दिएका थिए। दोस्रो हाफको ५८ औं मिनेटमा पेड्रो पोर्रोले स्पेनको दोस्रो गोल थपे।

फ्रान्सका किलियान एम्बापेले प्रयास गरे पनि गोल गर्न असफल भए। पुरा खेलमा फ्रान्सले जम्मा एउटा मात्र सटअन टार्गेट राख्न सके, जुन यस विश्वकपमा उनीहरूको सबैभन्दा कमजोर आक्रमणात्मक प्रदर्शन थियो। खेलको पहिलो हाफमै फ्रान्सका डिफेन्डर विलियम सालिबा चोटका कारण खेलबाट बाहिरिनु परेको थियो।

यस जितसँगै स्पेन विश्वकप फाइनलमा पुग्ने पहिलो टिम बनेको छ।

भोलिको खेल

भोलि दोस्रो सेमिफाइनलमा इङ्ल्यान्ड र अर्जेन्टिना आमनेसामने हुनेछन्। यो खेल पनि दिउँसो ३ बजे (पूर्वी समय) सुरु हुनेछ। यस खेलको विजेता टिमले आइतबार हुने विश्वकप फाइनलमा स्पेनसँग भिड्नेछ।

थप अपडेटका लागि nepalirelandnews.com follow गर्नुहोस्।